Спречен дипломатски скандал во Србија, Чанак ги повикал Каталонците
Претседателката на српскиот Парламент, Маја Гојковиќ изјави дека Ненад Чанак без да се консултира, на меѓународниот собир „Со идеја на ЕУ до мир и развој“, покрај парламентарци од Парштина повикал и пратеници од каталонскиот парламент.
Во изјава за денешното издание на „Политика“, Гојковиќ вели дека бил спречен голем дипломатски скандал, бидејќи доколку повикот се реализирал тоа ќе значело навреда за Шпанија, земја чиј територијален интегритет и суверенитет Србија апсолутно го поддржува.
Според Гојковиќ, Чанак како претседател на парламентарната Комисија за европски интеграции, на собирот, кој се одржува во Домот на Народното собрание, без да се консултира со неа и без таа и членовите на Комисијата да знаат, повикал парламентарци од Косово, но и пратеници од шпанската покраина Каталонија, која одржа референдум за независност.
Објаснувајќи како можело да се испрати покана во Косово и Каталонија, таа нагласи дека Чанак ја приватизирал организацијата за овој добро подготвен собир, на кој присуствуваат претседатели на одделни парламенти, министри, амбасадори, а тука се и шпански парламентарни претставници.
- Во разговор со членовите на Комисијата дознав дека адресите за одделни потенцијални учесници на собирот, кои сега ги нема по мојата реакција, стигнувале директно од Лигата на социјалдемократите на Војводина. Тоа бил обид ЛСВ да спроведе своја, а не политика на државата Србија, потенцира српската претседателка на Собрание.
Таа додаде дека по нејзината реакција Собранието испратило писмо до каталонскиот Парламент дека се поканети по грешка и нивните потврди за присуство не важат.
Ново на Сител
-
Николовски: Компресорската станица работи без прекин, клиниките можат да кажат зошто не работат хируршките сали
-
Најмногу слободни работни места во секторот Административни и помошни услужни дејности
-
Мицевски очекува да има двотретинско мнозинство за законските измени за реорганизација на министерствата
-
ГИК: СНС во Белград освои 52 отсо гласови, според ЦЕСИД и ИПСОС во Ниш го нема мнозинството
-
ЈП Комунална хигиена –Скопје за еден месец подигна 1800 кубни метри смет од диви депонии
-
Во 2023 година намален бројот на склучени, а зголемен на разведени бракови
-
Горивата поевтинуваат за половина денар по литар
-
Не помина ниту третиот кандидат за претседател на Уставниот суд