Дербито Арсенал – Ливерпул привлече рекордна посета во англискиот женски фудбал

Воведното коло во женската Суперлига во Англија викендов донесе дерби натпревар меѓу Арсенал и Ливерпул кое привлече рекорден број гледачи.

Натпреварот од трибините на лондонскиот стадион „Емирејтс“ го следеа 54.115 навивачи што е рекордна посета во англискиот женски клупски фудбал.

Ливерпул ги освои трите бодови, а стрелец на единствениот гол беше Мириел Тејлор на стартот на второто полувреме.

Најпосетен натпревар во женски фудбал во светски рамки е дуелот меѓу Барселона и Волфсбург во Лигата на шампиони, кој на 22 април лани на „Камп Ноу“ го следеа 91.648 гледачи.