СПМ: Вонинституционалното дејствување на ДУИ е спротивно на демократијата и интересот на граѓаните
Социјалистичката партија на Македонија ги оценува иницијативте на ДУИ за ангажирање странски експерт што би понудил платформа за промени на државата како антидржавна политика спротивна на Уставот и Рамковниот договор.
ДУИ со СДС направија непростивни предавства и злодела кон Македонската држава и народ и затоа беа казнети на изборите. Тие не сакаат да ја прифатат вољата на народот да бидат опозиција и се обидуваат со пазарење за етнички поделби и територијален раздор да извлечат некаква корист.
Социјалистичката партија на Македонија укажува дека ваквите приватни иницијативи на ДУИ се веќе видена работа и не треба да се толкуваат поинаку освен како прикривање на криминалните активности на кои се потврдени во досегашното владеење и за кои мора да одговараат.
Вонинституционалното дејствување на ДУИ е спротивно на демократијата и интересот на граѓаните кои се згрозени од рекетарскиот и криминален настап за етнички поделби и конфликти.
Социјалистичката партија на Македонија оценува дека ДУИ ако не е во власта се обидува да ја сруши унитарноста на државата по етнички и територијален принцип спротивно на Уставот што е криминално однесување. ДУИ не го интересираат ни албанците ни македонците туку само интересите на криминалната партиска врхушка.
Социјалистичката партија на Македонија ги повикува надлежните институции да постапуваат според Уставот, законите и меѓународното право и да не дозволуваат замешателства и креирање на кризи во државата од било кого.
Социјалистичка партија на Македонија
Ново на Сител
-
Дали и кој ќе одговара за смртта на 14 месечното бебе по утврдените недостатоци од стручниот надзор?
-
Албанија ги започна преговорите, Рама смета дека историјата не смее да ја држи Македонија надвор од ЕУ
-
Додека во ЕУ се одлучува едногласно, Македонија не може да почне преговори без уставни измени
-
Вреди не се откажува од Албанска академија на науките: Ќе ја финансира преку општините
-
Грејната сезона почна, учениците во 8 основни училишта во Карпош на настава без парно
-
Скопјани меѓу нејнезадоволните од јавниот превоз во Европа
-
Меѓународен ден на белиот стап: Како е да се живее со оштетен вид во Македонија?
-
Преглед на вестите од светот