СПМ: Пратениците на СДСМ да го слушнат гласот на народот и да го отфрлат францускиот предлог
„Социјалистичката партија на Македонија остро реагира на насилството на парламентарното мнозинство и нелегитимната Влада во нивната намера во Собранието на Република Македонија само формално да се помине некомплетната Информација за преговарачката рамка.
Со воспоставената тиранија од страна на идеолошки дезориентираниот и апатриден Социјалдемоктатски сојуз во Македонија демократијата е оддамна погребана. Пример за тоа се состојбата и условите во законодавниот дом, неговото потценување и сведување на владин сервис.
Социјалистичката партија на Македонија јасно порачува дека не прифаќа бугарските поданици во македонската власт да си поигруваат со достоинството на народните пратенци и со македонските граѓани.
За Социјалистичката партија на Македонија не се прифатливи никакви собраниски необврзувачки заклучоци. Тогаш зошто воопшто би се водела непродуктивна расправа која, повеќе од очигледно, и како таква и пречи на кукавичката власт.
Социјалистичката партија на Македонија инсистира пленарната и демократска дискусија да резултира исклучиво со директни интервенции во преговарачката рамка со кои би се подобрила позицијата на Република Македонија.
Апелираме до пратениците од СДСМ да го слушнат гласот на народот, да се осмелат, да го отфрлат партискиот диктат и да не го прифатат ткн.француски предлог.
Во спротивно, тие и нивната политичка партија во распаѓање, само за неколку години по втор пат ќе бидат најголемите предавници на македонскиот народ и држава.
Одлуката е нивна, историјата ќе бележи, а народот ќе памти.“ стои во соопштениетото на партијата.
Ново на Сител
-
Двајца малолетници со закани принудувале малолетнички полово да ги задоволуваат
-
Со автомобил удрен пешак во Скопје, се здобил со тешки телесни повреди
-
Објавен редоследот на евровизиските настапи во мај
-
Во Египет откриена гробница на фараон стара 3.600 години
-
Анчелоти идната недела на суд за даночна измама
-
Попладне пороен дожд, грмежи и засилен ветер
-
Четири млади лица приведени во кавадаречко, поседувале бела грутчеста материја
-
За време на продолжениот викенд јавниот превоз ќе сообраќа по неделен возен ред