СПМ: Градење патишта од страна на Бехтел и Енка без проект, траса и земјиште е истурање пари без мерка
Социјалистичката партија на Македонија укажува дека градење на патишта од страна на Конзорциумот Бехтел и Енка без проект, без траса и неекспроприрано земјиште претставува истурање пари без мерка, со непредвидливи износи, без одредени точни суми.
Власта на Ковачевски и Груби склучила нејасен договор со кој се загрозува правниот и уставниот поредок на државата и сериозно се подрива капацитетот на македонската економија и солвентноста на државата. Сигурна е само корупцијата, а цените и работите на градбата не се дефинирани за тие двајца да профитираат од тоа.
Правците на коридорите 8 и 10д што треба да се градат секако дека се со крупно значење за инфраструктурното поврзување на државата, но со оглед на отворените сомневања во веродостојноста на висината на вкупните енормни износи се проблематизира приоритетниот интерес за државата. За личниот е очигледно дека се постигнува.
Се подготвува градба на нешто што во сегашни услови и по оваа цена, со сите отворени прашања и негативни последици кои ги предизвикува, можеби и не го оправдува приоритетот, а ќе ја чини државата неколку милијарди евра.
Тоа ќе ја ослабе економијата на државата затоа што сите средства ќе ги исцрпи и оневозможи решавање на потребите на сите буџетски корисници.
Со ваков договор се прави економско уништување на Македонија зошто тоа се огромни пари кои нема да може да се вратат од користење на автопатиштата, а генерациите што доаѓаат ќе ги отплаќаат овие скапи средства. Овој факт налага голема претпазливост во оправданоста на трошењето толку големи народни финансиски срдедства.
Нетранспарентноста на постапката и склучување на таен договор ги потврдува сериозните сомнежи за криминал затоа што се менуваат системски закони на насилен начин. Надзорот го доби фирма која што не се занимавала со таа дејност, а заобиколени се врвни специјализирани институции кои со години вршеле надзор во градбата на патиштата во Македонија.
Експлоататорското однесување кон македонската економија и граѓаните е злосторство на Ковачевски и Груби кои свесно ја уништуваат силата на македонската економија. Тие се подготвени да прифатат експлотација и робовско работење на работниците за градба на овие патишта видно од предлозите за измени на законот за работни одоси што е апсурден и противуставен.
Социјалистичката партија на Македонија упатува Собранието на Република Македонија да донесе закон со кој штетите што ќе бидат предизвикани од реализација на овој договор Ковачевски и Груби лично да ги надоместат од сопствен имот и средства и да одговараат за тоа.
Информативна служба на СПМ
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола