Спасовски: Размената на информации клучна за борба против актуелните закани
Меѓународната соработка и размената на навремени и точни информации е клучна активност која придонесува кон зголемена ефикасност во борбата против актуелните безбедносни закани и предизвици, порача денеска министерот за внатрешни работи Оливер Спасовски на Самитот во Лондон што се одржува во рамки на Берлинскиот процес.
-Свесни за ова, институциите надлежни за спроведување на законот во Република Македонија спроведуваат мерки и активности со кои ќе ја олеснат и поедностават оваа комуникација и размената на информации ќе биде искористена во насока на справување со организираниот криминал, тероризмот, но и сите облици на загрозување на сигурноста и безбедноста на државите од регионот, истакна Спасовски.
Тој нагласи дека за МВР од особена важност е враќањето на довербата и сигурноста кај своите партнерски служби и гаранцијата дека добиените информации ќе бидат соодветно наменети.
Како што соопшти МВР, министерот Спасовски се обратил на сесијата на која се дискутирало за споделување на информации и соработка помеѓу земјите.
Земјите учеснички ја потпишале Заедничката декларација за начелата на размена на информациите од областа на спроведувањето на законот со која се утврдуваат начелата, содржината и целите за размена на специфичните информации.
Ново на Сител
-
Во наредните денови променливо облачно и посвежо со дожд и грмежи
-
Кривична пријава за дебранецот што силуваше малолетничка
-
Законодавно правната комисија констатира дека Предлог-законот за игрите на среќа и за забавните игри не е прифатлив
-
Мицкоски: Мерката за намалување на училишниот прибор ги дава очекуваните резултати
-
Тројца малолетници запалиле пиротехнички средства и го предизвикале пожарот кај Расадник
-
Роналдо: Јас не уривам рекорди, тие ме следат
-
Пандов: Околу 200 затвореници се водат дека се во бегство
-
Кисела Вода субвенционира набавка на пелети и огревно дрво за домаќинствата