Спасовски: Го продолжуваме делото на нашиот великан Гоце Делчев

Со својата мисла и дело Гоце Делчев е личност која сплотува и обединува, не само во Македонија, туку и пошироко. Не само во минатото, туку и денес во современа Северна Македонија и пошироко, напиша на својот профил на Фејсбук денеска премиерот Оливер Спасовски.

-Гоце Делчев е светлото име кое ја означува нашата борба за слобода и за независна Македонија.
Гоце Делчев е нашиот голем учител, нашиот пожртвуван револуционер, нашиот патоказ кон иднината. Како што истакнува Пејо Јаворов, соборец на Делчев и негов прв биограф, „македонскиот народ го гледаше во неговото лице најблискиот, најверниот, најсаканиот свој учител, пријател и син“, пишува Спасовски.