Спасовски: Безбедносната состојба во Прилеп е добра, набрзо со детали за поставените рачни бомби
Многу брзо може да излеземе со детали, зашто се преземаат низа активности за кои се надевам дека ќе ги дадат очекуваните резултати, како и поврзаноста на овие случувања со некакви претходни случувања со одредени групации, изјави министерот за внатрешни работи Оливер Спасовски одговарајќи на прашањето за двете фрлени рачни бомби во Прилеп за период од десетина дена.
Спасовски денеска ја посети прилепската полициска станица и присуствуваше на конститутивната седница на Советот за превенција во Прилеп.
-Врз основа на средбата што ја имавме во полициската станица во Прилеп и по изнесените податоци може да констатираме дека безбедносната ситуација во Прилеп е мирна и стабилна и нема елементи на нарушувањер на безбедносната состојба во градот и граѓаните треба да бидат спокојни. Секако дека перцепцијата не е добра кога ни се случуваат вакви настани. Се работи на нивно расчистување, рече министерот.
Додаде дека мошне брзо ќе излезат со детали за случаите, напоменувајќи дека интензивно се работи на нивно расчистување.
-Како тим на полициската станица, јавното обвинителство, работиме заедно, преземаме мерки. овие настани треба да се расчистат. Ќе се расчистат до крај. Меѓутоа, таква борба против криминалот, корупцијата, мора интензивно да продолжи во иднина и да биде неселективно за што се договоривме и при денешната средба со полициската станица и со прилепската локална самоуправа, изјави Спасовски.
Ново на Сител
-
Приведен криминалец баран со потерница за казна затвор од три години
-
Тројца Израелци убиени во вооружен напад на граничен премин меѓу Израел и Јордан
-
ИДФ: Повеќе од 50 ракети истрелани од Либан врз северниот дел на Израел
-
АХВ казни нерегистрирани производители на сирење во Прилеп и Скопје
-
Димитриевски: Да се трудиме да останеме сплотени и единствени како држава
-
Во пресрет на дебатата, Трамп се заканува со затвор за вмешаните во „изборната кражба“
-
Шеф на ЦИА: Западот не треба да се плаши од руските нуклеарни закани
-
Приведени криминалци во Скопје барани со потерници за извршени тешки кражби