СП Ракомет: Македонија во најтешката група

Македонија доби извонредно тешка група на следното Светско првенство што ќе се игра во јануари наредната година во Германија.

Од европските селекции во Б-групата се Шпанија, Хрватска и Исланд. Нашата селекција не би требало да има проблем против Бахреин и Јапонија кои се исто така во групата.

Група А (Берлин - „Мерцедес Бенц Арена“)
Франција, Русија, Германија, Србија, Бразил, Кореја

Група Б (Минхен - „Олимпијахале“)
Шпанија, Хрватска, МАКЕДОНИЈА, Исланд, Бахреин, Јапонија

Група Ц (Хернинг - „Јуске Банк Боксен Арена“)
Данска, Норвешка, Австрија, Тунис, Чиле, Саудиска Арабија

Група Д (Копенхаген - „Ројал Арена“)
Шведска, Унгарија, Катар, Аргентина, Египет, Ангола

Шампионатот ќе се игра од 9 до 27 јануари, a Берлин, Минхен, Хернинг и Копенхаген ќе бидат домаќини на дуелите од прелиминарната фаза. Во главната фаза, натпреварите ќе се играат во Келн и Хернинг, додека полуфиналињата ќе бидат одиграни во Хамбург, а финалето во Хернинг.

Ова ќе биде шести настап за Македонија на Светските шампионати, а четврти по ред. Најдобриот пласман го имавме во Катар 2015 година, деветтото место, додека на последниот Мундијал во Франција го освоивме 15. место.