-->
-->
СП атлетика: Ван Никерк го одбрани златото на 400 метри
-->
Светскиот рекордер Вејд Ван Никерк од Јужна Африка ја одбрани титулата светски првак откако синоќа на Светското првенство што се одржува во Лондон триумфираше во трката на 400 метри. Тој постигна време од 43.98 секунди и најави дека ќе се обиде да освои златен медал и во трката на 200 метри. Второто место му припадна на Стивен Грејднер од Бахами, а трет беше Абдалелах Харун од Катар.
Во трката на 800 метри кај мажите Французинот Пјер-Амбосе Босе беше најбрз со време 1:44.47 минута и го освои златниот медал. Втор целта ја мина Полјакот Адам Кцзот, а трет Кипјегон Бет од Кенија.
Атлетичар од Кенија победи во трката 3.000 метри стиплчез. Консеслус Кипруто до првото место стигна со време 8:14.12 минути, пред Суфијане Ел Бакали од Мароко кој го освои сребрениот медал, а бронзата му припадна на Американецот Ејван Џегер. Кипруто на претходното СП беше второпласиран.
Барбора Шпотакова од Чешка копјето го фрли со далечина од 66.76 метри за прво место, пред двете претставнички од Кина Ли Лингвеи и Лиу Хуихуи.
Во дисциплината скок со стап победи Американецот Сем Кендрикс, кој прескокна височина од 5.95 метри. Второто место поради подобрата серија го освои Пјотр Лисек од Полска, а трет е Рено Лавение од Франција. Двајцата имаа скокови од 5.89 метри.
Денеска на програмата се три финални дисциплини: фрлање ѓуле и 400 метри кај жените и 400 метри со пречки кај мажите.
-->
-->
-->
Ново на Сител
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција
-
Две лица загинаа кога воен авион се запали и се урна во близина на Алјаска | ВИДЕО
-
Кампањата на Бајден продолжува да го користи ТикТок иако тој потпиша нацрт-закон за забрана на апликацијата