СП 2019 - Лазаров: Победа многу ќе ни значи, но се зависи од нас

По триумфот над Јапонија во првото коло македонските ракометари и во вториот дуел на во групата во минхен ќе играат со селекција од Азија. Овој пат е вицепрвакот Бахреин. Оваа селекција во првиот дуел загуби од Шпанија со 33:23. Во пресрет на дуелот капитенот Кирил Лазаров истакна:

- Победа со Бахреин би ни значела многу. Не очекувам тежок натпревар и голема борба. Мораме да сме максимално сконцентрирани и да одиграме најдобро за да можеме да се надеваме на победа. Пак се ќе зависи од нас. Важно е што здравствениот билтен е добар. Никој не се жали на повреди. Тоа ме радува, тоа значи дека сите можеме да дадеме максимум. Ме загрижува само тоа што од утре играме ден за ден. Нема да имаме пауза, нема да имаме време за анализирање, за рекуперација. Да не се повторувам дека ростерот ни е таков каков што ни е, подмладен, неискусен. Сакам да победиме и притоа сите да останеме здрави и без последици.