Современ израелски филм во Кинотеката на Македонија

Кинотеката на Македонија во соработка со амбасадорот на Израел за Македонија Дан Оријан и Еврејската заедница во Република Македонија од 2-ри до 6 декември ќе организира филмски циклус посветен на современиот израелски филм.

Ќе бидат прикажани шест филмови со превод на македонски јазик. Филмската ревија во сабота ќе биде отворена со „Хармонија“ во режија на Ори Сиван, со две проекции од 19 и од 21 часот,  

Во наредните денови ќе бидат прикажани документарните филмови  „Посебна посета на Македонија“ и „Кармелим во Македонија“ - двата во режија на Пјер Лави, филмовите „Татко“, „Витлеем“ и „Најдобрите за мечување“. Шесте филмови се од поновата продукција во израелската кинематографија. 

Филмската критичарка Гена Теодосиевска смета дека во последните 20-ина години израелскиот филм го привлекува вниманието на критиката и на филмофилите и публиката.

- Својата најголема меѓународна сатисфакција израелскиот филм ја доживува на најпознатите и најголеми филмски фестивали од највисока категорија во светот, на кои во која било програма е особено тешко да се влезе, а особено кога на нив ги добива и најпрестижните награди, вели Теодосиевска. 

Билетите за проекциите се бесплатни и може да се резервираат телефонски (02 3065 968) од 16 до 19 часот на билетарницата на Кинотеката на Македонија.