Советот на Европа ја критикува Романија поради трговија со деца

Во Романија значително е зголемен бројот на деца жртви на трговија со луѓе, се наведува денеска во најновиот извештај на Советот на Европа, со кој се бара посебно внимание да се посвети на ромското малцинство и децата мигранти во Романија.

- Бројот на идентификувани деца жртви на трговија со луѓе во Романија е значајно зголемен во периодот опфатен со извештајот, соопшти Групата експерти за акција против трговијата со луѓе при Советот на Европа.

Во извештајот, кој го опфаќа периодот меѓу 2011 и 2015 година, се бара од романските власти „да ги интензивираат напорите за спречување на трговијата со деца, посебно на полето на обука на професионалци задолжени за заштита на децата и посветување посебно внимание кон ромската заедница и децата мигранти“.

Повеќето од 4.622 деца се идентификувани како жртви на трговија со луѓе, поточно 54 отсто биле продадени поради сексуално искористување, потоа 34 проценти како работна сила и шест отсто за питачење, се наведува во документот.