Советникот на Заев: Секако дека Албанците имаат причина да војуваат со Македонците

Командант Хоџа, кого премиерот Зоран Заев го вработи во Владата како негов советник, смета дека Албанците треба да војуваат со Македонците.

Џезаир Шаќири, алијас Командант Хоџа кој е именуван за советник за безбедност на премиерот Зоран Заев, во интервју за KTV одговара на прашањето: Дали моментално Албанците во Македонија имаат причина за да војуваат со Македонците?

-Секако, вели тој.

Новинарот потоа го прашува Шаќири „Дали тоа е единствениот начин на кој Албанците можат да ги добијат нивните права?“, на што тој одговара:

-Не, не, не е единствен начин бидејќи не сме во можност да војуваме и ќе треба да почекаме затоа што имаме проблеми со нашите политичари кои попрво гледаат да не му расипуваат ќеиф на Никола Груевски и Али Ахмети отколку да ги бранат интересите на народот кој е напатен, вели тој во интервју дадено во 2015-та година за KTV.