Совети за несоница: Војнички метод за заспивање за две минути
Оние кои се борат за полесно и брзо заспивање, постојано бараат нови техники. Меѓу можеби најефикасните е војничкиот метод „Заспивање за две минути“ што го користат американските војници и пилоти, појаснува д-р Линдзи Браунинг. Таа верува дека оваа техника е делотворна и им препорачува на луѓето со несоница.
– Методот делува бидејќи ве тера да ги опуштите мускулите на вашето тело, наместо да дозволите несаканите мисли да ви го преплават умот, вели д-р Браунинг.
Овој метод првпат е спомнат во книгата „Опушти се и победи: Шампионска изведба“ (Relax and Win: Championship Performance) од 1981 година. Се тврди дека има 96 отсто успешност по шест недели вежбање.
Сѐ тоа почнува со опуштање на мускулите на челото, очите, образите, вилицата и сосредоточување на дишењето. Особено рамената да не се напнати… Се спуштаат колку што може пониско и рацете, дланките и прстите се држат опуштени крај телото. Потоа, земете длабок здив и полека издишете, опуштајќи ги градите, стомакот, бедрата, колената, нозете и стапалата.
Потоа, замислете две „сценарија“. Прво – лежите во чамец среде мирно езеро, нема ништо, само синото небо над Вас. Второ – лежите во црна мека лежалка во темна соба. Ако почнете да размислувате за нешто друго, повторете го зборот „не размислувај“ 10 секунди.
Според д-р Браунинг, луѓето често не можат да заспијат бидејќи нивните умови се „премногу зафатени“ со други грижи или се вознемирени.
– Воениот метод на заспивање е многу сличен на техниката за прогресивна мускулна релаксација што ја посочувам на моите клиенти со несоница. Постојат и други техники со кои можете да се обидете полесно да заспиете, како што се бавно длабоко дишење или броењето, додава таа.
Проблемот со несоницата е тешко да се реши со обични техники за опуштање, ако тој е потежок и, во тој случај веројатно ќе треба поопсежна стручна помош.
Ново на Сител
-
Барселона испратила барање до ФИФА да ѝ дозволи да учествува на Светското клупско првенство
-
Трамп отворен за идејата Путин да посредува меѓу Изрел и Иран
-
Трамп: Наскоро ќе има мир меѓу Израел и Иран
-
Иранците ја гаѓале и приватната резиденција на Нетанјаху
-
Израелската национална авиокомпанија „Ел Ал ерлајнс“ ги откажа летовите до 23 јуни
-
МВР: Одобренија за патување во странство за малолетни лица ќе се издаваат од 8 до 18 часот
-
22 македонски државјани побарале помош за напуштање на територија на Израел
-
Алиу: Ќе ги дисперзираме услугите за онколошките пациенти онаму каде што има услови