СОС Детско село: Секое дете има право да се чувствува сакано и безбедно
На завршната конференција од Проектот за интервентна поддршка, „СОС Детско село Македонија“ денеска информира дека обезбедило храна, засолниште, хигиенски услови, психолошка поддршка, образование, медицинска нега и пристап до информации за над 170.000 лица од најранливите категории.
Проектот за интервентна поддршка почна во август 2015 година, откако во Западен Балкан пристигнаа голем број бегалци од конфликтните зони, а го реализираа 55 стручни лица во период од 752 денови. Неговата цел беше психосоцијална поддршка и заштита на децата, овозможување на комуникација и пристап до Интернет. За своја цел имаше да се спречи одделување од семејствата, обезбедување на храна и непрехрамбени производи, како и соодветна инфраструктура за безбеден престој и транзит на бегалците.
Во транзитните центри Винојуг –Гевгелија и Табановце-Куманово, како и во селата Ваксинце и Лојане во Куманово, во рамки на проектот, што беше финансиски поддржан од СОС Детски села Интернационал, УНИЦЕФ и Швајцарската Агенција за развој и соработка, помошта и поддршката беше особено насочена кон децата, со посебен акцент на деца без придружба, млади лица, особено млади девојки, бремени жени, како и возрасни лица кои имаа потреба од медицинска помош или друг вид на поддршка.
Претседателката на Управниот одбор на СОС Детско село Македонија, Зорица Серафимовска Арсовска посочи дека лицата кои работеле на проектот се трудале да создадат средина каде децата ќе се чувстуваат безбедни, згрижени и среќни, со што барем за миг ќе им се овозможи да ги заборават страдањата и маките низ кои поминале.
Успешно завршениот проект, беше поздравен од страна на директорот на Центарот за уравување со кризи Агрон Буџаку, кој увери дека СОС Детското село и понатаму ќе ја ужива неговата поддршка.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп