Сопругата на јапонскиот премиер го посети Перл Харбур

Акие Абе, сопругата на јапонскиот премиер Шинѕо Абе го посети Перл Харбур за да оддаде почит на жртвите од јапонскиот напад врз таа база на Хаваи во 1941 година.

Таа на Фејсбук објави дека положила цвеќе и се помолила на споменикот Аризона Меморија во Хонолулу, кое е последно почивалиште за 1.102 од 1.177 морнари и маринци загинати во нападот од 7 декември 1941 година.

Портпарол на јапонската Влада нагласи дека Акие Абе е на Хаваи во приватна посета.

Ниту еден јапонски премиер се уште не го посетил Перл Харбур.