Сообраќајка на скопската обиколница- тешко повредена 25 годишна девојка

25- годишната С.А. од Куманово е тешко повредена откако возило излетало од патот. Пренесена е и задржана во Ургентниот Центар во Скопје.

Вчера околу 8 часот на обиколницата Скопје кај клучката Стенковец во правец према Велес, се случила сообраќајна незгода во која автомобил „Ауди А3“ со кумановски регистерски ознаки управувано од 34 годишниот С.С. од Куманово излетало од патот.

Од незгодата со тешки телесни повреди се здобилa сопатничката, 25- годишната С.А. од Куманово и истата е пренесена и задржана во Ургентниот Центар во Скопје, а возачот се здобил со телесни повреди.

Увид на местото на настанот извршила екипа од СВР-Скопје и се работи на целосно расчистување на случајот.