Сончево со услови за локален пороен дожд и грмежи

Од Управата за хидрометеоролошки работи за денеска најавуваат сончево време со мала до умерена облачност. Попладне, претежно во југоисточните делови, ќе има услови за локален пороен дожд и грмежи.

Се очекува слаб до умерен ветер од источен правец. Минималната температура ќе биде во интервал од 10 до 18, а максималната ќе достигне од 28 до 35 Целзиусови степени.

Во Скопје, исто така, најавено е сончево време со мала до умерена облачност. Според синоптичарите, ќе дува слаб до умерен ветер од јужен правец. Се очекува минималната температура да се спушти до 18, а максималната да достигне до 35 Целзиусови степени.

Според најавите, следува период на стабилно и потопло време, освен во вторник, кога ќе има услови за локален пороен дожд и грмежи.

МИА