Собранието расправа за дополнувањето на Законот за земјоделство и рурален развој
Собранието на Република Македонија во рамките на денешната работа по дневниот ред на 92-та седница ја продолжи општата расправа по Предлог законот за дополнување на Законот за земјоделство и рурален развој, во прво читање, поднесен од пратениците од опозицијата.
Со предлогот се бара земјоделците да добиваат гориво со цена 50 отсто пониска од малопродажната за обработка на земјоделските површини.
Како што посочија пратениците од опозицијата, целта на воведувањето на оваа мерка е да им се помогне на земјоделските производители во време кога ги обработуваат земјоделските поршини, кога трошоците за набавка на репроматеријали се најголеми. Со субвенционирањето на горивото, според нив, ќе се зголеми конкурентноста на македонското земјоделство и ќе се намалат производните цени на земјоделските приоизводи.
Субвенционираното гориво, појаснија, ќе се доделува во зависност од површината на обработливото земјоделско земјиште, со право на користење двапати при обработка на истата површина. Нагласија дека субвенции треба да земаат само оние кои вистински го обработуваат земјиштето.
За пратенците од владеачките партии, пак, мерката е популистичка, остава многу можности за злоупотреби и не е издржана, бидејќи субвенциите кои им ги дели Владата на земјоделците се значително повисоки од овие што сега се предлагаат.
По редовната попладневна пауза Собранието ќе ја продолжи расправата по Предлог законот за дополнување на Законот за земјоделство и рурален развој. За збор се јавени уште дваесетина пратеници.
Ново на Сител
-
Гостивар: Двајца возачи се судриле со три паркирани возила
-
Иран ќе гради ѕид на границата со Авганистан
-
Калињак: Словачкиот премиер Фицо е надвор од животна опасност
-
Две лица го загубија животот, а пет се водат за исчезнати во судар на крузер и чамец на Дунав кај Будимпешта
-
Државјанин на Северна Македонија со „богато“ криминално досие во Грција, уапсен за кражба во дом на Пелопонез
-
Пет лица загинаа, а најмалку 15 се ранети во рускиот напад врз областа Харков
-
Судот во Лондон утре ќе одлучува за екстрадицијата на Асанж во Америка
-
Герапетритис: Граѓаните на Северна Македонија не би сакале да се стават во опасност односите со Грција и ЕУ перспективата на земјата