Собранието ги усвои измените и дополнувањата на Законот за градење

Собранието на Република Македонија попладнево во рамки на 98. седница го донесе Законот за изменување и дополнување на Законот за градење.

Томислав Тунтев од СДСМ рече дека Законот за градење досега е еден од најизменуваните закони. Тој додаде дека СДСМ поднел амандман во однос на овој Закон со кој бара плажите и другите придружни објекти да бидат ставени во втората категорија, односно како објекти за кои е потреба за дозвола но, како што додаде владејчкото мнозинство не го прифатило овој амандман.

Собранието без расправа ги донесе Законот за дополнување на Законот за јавните патишта и Законот за изменување на Законот за сигурност во железничкиот систем.

Пратениците со 55 гласа „за“ и 11 против го донесоа и Законот за изменување и дополнување на Законот за превоз во патниот сообраќај.

Томислав Тунтев од СДСМ рече дека има забелешка бидејќи овој Закон се носи по скратена постапка, а се работи за есенцијални измени и оти за дел од овие измени не е потребна само парламентарна, туку и јавна расправа. 

Пратениците почна расправа по Дополнетиот предлог на закон за нотаријатот, но седницата беше прекината од претседателот на Парламентот Трајко Вељаноски кој даде кратка пауза.