Собир за поддршка на протераниот руски дипломат

Пред Амбасадата на Руската Федерација попладнево се одржа собир во организација на партијата Единствена Македонија, за поддршка на протераниот руски дипломат.

Пред групата граѓани се обрати Јанко Бачев лидерот на Единствена Македонија, кој  на рускиот амбасадор Олег Шчербак, кој излезе пред Амбасадата, му кажа дека македонскиот народ не сака во ЕУ и НАТО, туку дека сака да влезе во Евроазиската унија со Русија.

Амбасадорот Шчербак изрази благодорност за поддршката. Тој го повтори ставот дека Македонија избрзала со одлуката за протерувањето на рускиот дипломат повикувајќи се на, како што рече, лажното чувство на солидарност кон Велика Британија.