Со соодветни агротехнички мерки до заштита на овошките во Пијанец
Во овој период од годината, кога има Сонце, па врне дожд, најмногу на удар се овошките, а како што велат агрономите, тоа најмногу им влијае на кајсиите и праските кои ги демнат опасни болести.
Во овој период, според агрономот Раде Манасиевски, монилијата е потенцијалната опасност за дел од овошките.
– Монилијата се манифестира во самото цветање, а во месец мај може да биде поизразена. Доколку ги има зафатено овошките, треба механички да се исчисти и хемиски со соодветни препарати да се третира. Истото важи и за сливата кај која во овој период се јавува „монилија лакса”. Луѓето треба навреме да ги отстранат заразените делови и да ги напрскаат овошките со средства против „монилија фруктигена”, која продолжува по јавувањето на „монилија лакса“ и предизвикува сушење на младите плодови, а потоа и опаѓање, вели Манасиевски.
Во Пијанечкиот регион овоштарите навреме ги заштитија вишната и сливата, што според Манасиевски, тоа треба да се направи и со другите овошни култури.
– Бидејки кај вишната и сливата во минатото имаше доста промашувања, годинава заштитата е многу добра. Единствено проблем се јавува кај кајсијата и праската, бидејки тие малку порано цветаат, а кај нас овоштарите чекаат да заврши цветањето, така што гледам има „накадрување” на лисјата кај праската, што може да се реши со прскање со фунгициди, додаде Манасиевски.
Сепак, како што додаде делчевскиот агроном, пред тоа да се направи пожелно е овоштарите да се посоветуваат во аптеките, бидејки прскањето треба да биде во комбинација со фолијарни ѓубрива и инсектициди на самите растенија, како против лисни вошки, така и против разни видови на гасеници.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација