Со солзавец и димни бомби полицијата го расчистува протестот пред Собранието против промена на името
Полицијата со солзавец и димни бомби ги растерува демонстрантите од пред Собранието кои протестираат против Договорот со Грција за промена на името во Република Северна Македонија.
На протесто можеше да се забележи огромно присуство на припадници на полицијата, а демонстрантите ги повикаа да им се придружат од другата страна на оградата и заедно да побараат да не се менува уставното име.
Учесниците на протестот извикаа „Македонија, името не го даваме“, името на претседателот на државата, Ѓорге Иванов и пееја патриотски песни.
Шефовите на дипломатиите на Македонија и Грција, Никола Димитров и Никос Коѕијас денеска во Псарадес ги ставија своите потписи на договорот за решавање на македонско-грчкиот спор за името и стратегиско партнерство, во присуство на премиерите Зоран Заев и Алексис Ципрас.
На церемонијата присуствуваа високи претставници на ЕУ, на ОН и бројни новинари. Двајцата премиери меѓусебно се нарекоа пријатели, оценувајќи го потпишувањето на договорот како историски ден.
Ново на Сител
-
САД со визни рестрикции за раководители на бродски компании од Колумбија кои превезуваат нелегални мигранти
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи
-
Мицкоски и Таравари разговарале за принципите за идно коалицирање и заедничка соработка
-
Уапсени во Косово маж и жена, руски државјани, влегле од Србија без визи