Со проверени сили против Лихтенштајн и Ерменија

Македонската фудбалска репрезентација е на чекор до целта, а тоа е првото место во групната фаза од Д-дивизијата за што се потребни барем 4 бода од следните две  средби со Лихтенштајн во Скопје и Ерменија на гости.

Селекторот Ангеловски  пред новинарите изјави дека секогаш бара од играчите да го дадат максимумот  но и дека најважен од се е резултатот.  Можеби  натпреварот со Лихтенштајн ќе донесе победа во допадлива игра:

„На списокот нема многу промени, веќе се проверени имиња. На позицијата трет голман се враќа Шишковски на позицијата трет голман, Адеми и Хасани, со кои се зголемува конкуренцијата во средниот ред. Ориентирани сме на првата средба. Сакаме да ги освоиме трите бода и да продолжиме кадешто застанавме. Очекувам да го добиеме Лихтенштајн, со допадлива игра да запишеме нови три бода“, изјави Ангеловски.

Средбата со Лихтенштајн се игра на 13-ти Октомври на Филип Втори додека 3 дена подоцна е гостувањето во Ерменија.  Македонија досега одигра две средби во групата и освои максимални 6 бода во групата во која се уште и Ерменија, Лихтенштајн и Гибралтар.