Со помош од навивачите до нови победи

Фудбалската репрезентација на Македонија до 21 година е на чекор до одличен резултат и со две победи во последните две кола на домашен терен ќе го освои едно од првите две места во групата и со тоа може да обезбеди пласман на завршницата на Европското првенство во Полска следната година. Затоа потребна им е и поддршка од навивачите на овие решавачки дуели. Првиот натпревар избраниците на селекторот Благоја Милевски го играат во вторник на Националната Арена „Филип Втори“ против Северна Ирска.

Приходот од влезниците ќе биде дониран за настраданите од поплавените подрачја во скопскиот регион. Со секоја купена влезница се донираат 100 денари за #Skopje и воедно се дава поддршка на младата репрезентација на Македонија. Билетите можат да се купат на штандот на ФФМ во Скопје Сити Мол и во продажната мрежа на МК Тикетс, секако и на он-лајн продажба.

Денеска во Градскиот парк ќе биде отворена фан зона на ФФМ, до 17 часот каде освен забавно - рекреативни содржини ќе има можност и да се купат билети за натпреварот. На 5 - 6.септември фан зоната ќе биде активна на Плоштад Македонија