Со помен на загинатите бранители во Крива Паланка се одбележуваат 20 години од конфликтот во 2001
Со помен на вечните почивалишта на загинатите бранители од Крива Паланка во конфликтот во 2001 година, денеска ќе бидат одбележани две децении од немилиот настан, информираат од Здружението на бранители на РС Македонија „Бранители 2001″.
На настанот е најавено присуство на министерот за внатрешни работи, Оливер Спасовски, директорот на Бирото за јавна безбедност, Сашо Тасевски, началникот на специјалните полициски сили, Бранко Трајановски и делегација од Владата на РС Македонија, како и претставници од СВР Куманово и ОВР Крива Паланка и локалната самоуправа на општина Крива Паланка.
– Со настанот што ќе се одржи денеска во 10 часот, на новите градски гробишта во Крива Паланка, на едно од вечните почивалишта на бранителите од нашиот град, ќе бидат обележани дваесет години непребол, дваесет години од конфликтот во кој бројни Македонски чеда ги положија животите за татковината. Ваквата одлука беше донесена на состанокот на претседателството на Здружението, а пораката што ќе се упати е да не се заборави но и да не се повтори никогаш повеќе, изјави Владе Стојановски, претседател на Здружението „Бранители 2001″.
Посочи дека во Здружението членуваат претставници од семејствата на загинатите бранители во конфликтот во 2001 и од „Диво насеље”, вкупно 120 бранители.
– Секоја година децата на бранителите во училишен процес одат на бесплатен зимски и летен одмор, што го овозможува државата, а и за сите тековни барања од семејствата на бранителите упатени кон државните институции, досега имаме одлична соработка со властите, додаде Стојановски.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација