Со полагање свежо цвеќе одбележан Илинден во Крива Паланка
Со полагање цвеќе на споменикот на паднатите борци од Народноослободителната борба пред зградата на општината, денес во Крива Паланка беше одбележан големиот празник Илинден.
Цвеќе положија делегација од Општина Крива Паланка, делегација од Советот на Општина Крива Паланка, претставници од локалните јавни институции, основните и средни училишта, општински Сојуз на борци, делегации од политички партии.
Од името на Сојузот на борците се обрати претседателот Славе Јовановски, кој истакна дека она што е најважно е да се сочува споменот на историските настани кои се темел на самобитноста и историјата.
– Денес ги одбележуваме двата Илиндена, од револуционерното востание 1903 и Илинден 1944, првото заседание на АСНОМ во манастирот Прохор Пчински. Да бидеме обединети, да се чува споменот на историските настани и личности, кои нам ни го овозможија денешното слободно битисување и да бидеме ние светиот патоказ кон подобро утре на нашите идни генерации, рече Јовановски.
Делегација од Општина Крива Паланка предводена од градоначалникот Борјанчо Мицевски, денеска ќе присуствува на свеченото одбележување на Илинден во Крушево, на Мечкин камен.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд