Со „Македонија вработува“ во Крива Паланка досега вработени 40 лица
Според податоците од Центарот на Агенцијата за вработување во Крива Паланка, со мерките од проектот за вработување на Владата на Република Македонија „Макеоднија вработува“ досега во Крива Паланка се вработени 40 лица.
- Има компании кои вработиле по едно лице со некоја од мерките, а други вработиле по две и повеќе лица. Најмногу лица има вработено компанија од областа на дрвната индустрија и тоа вработила 8 лица, сите на возраст над 58 години, изјави Грозде Георгиевски, раководител на Центарот на Агенцијата за вработување во Крива Паланка.
Георгиевски нагласи дека заинтересираноста на компаниите од Крива Паланка за вработување лица со овој проект расте.
- Секојдневно вршиме посета на фирмите од Крива Паланка и соседната општина Ранковце каде ги презентираме сиет активни мерки од „Македонија вработува“ и забележуваме интерес од страна на сопствениците за искористување на истите, особено за вработување лица до 35 години, рече Георгиевски.
На територијата на општина Крива Паланка и Ранковце во Централниот регистар на РМ има регистрирано вкупно 285 приватни компании.
Проектот „Македонија вработува“ опфаќа пет групи на невработени лица: лица до 35 години, лица од 35 до 50 години, над 50-годишна возраст, невработени кои се родители на три или повеќе деца, самохрани родители и членови на еднородителско семејство и лица над 58 години, највозрасните работоспособни лица.
Услов за вработување со овој проект е лицето да биде евидентирано во АВРМ како активен барател на работа само еден ден.
Ново на Сител
-
Ѓорѓиевски: Мега парк од 50.000 м² во Бутел - трајно решение во борбата со депониите
-
Почна Октоберфест - фестивалот на пивото во Минхен
-
Сопствениците на дизел-возила во Унгарија ќе добиваат парична помош од државата поради високите цени
-
НАТО го поздрави договорот меѓу САД, Данска и Гренланд
-
Трамп им забрани пристап во Белата куќа на новинари од CNN, MS NOW и Politico
-
Обвинение против шест лица за фалсификуваните возачки дозволи, тројца се' уште се во бегство
-
Пронајдено и казнето лицето кое од мотокултиватор фрлаше двосед и врати на јавно место во Шуто Оризари
-
МВР: Приведени 11 возачи за „безобѕирно управување возило“, деветмина возеле без положен возачки испит
