Со 70 милиони евра ќе се подобрува состојбата на локалните патишта
- Владата преку Министерството за транспорт и врски ќе инвестира 70 милиони евра за изградба и реконструкција на локалните патишта во општините кои за таа намена немаат доволно финансии, најави министерот за транспорт и врски Горан Сугарески, при денешната посета на општина Арачиново.
Повеќето од општините што ги посетил во изминатиот период, како што рече министерот, немале доволно пари од општинските буџети за подобрување на лошата состојба на локалните патишта.
- Секоја општина сама утврдува приоритени патишта кои ќе бидат предмет на санација и реконструкција. Согласно утврдената методологија, секоја општина ќе има на располагање одредена сума средства која ќе може да ја користи исклучиво за реконструкција и обнова на локалната патна мрежа, рече Сугарески, дополнувајќи дека реконструкцијата на локалните патишта ќе биде од огромно значење особено за сите граѓани, како предуслов за подобрување на животот во населените места.
При посетата на Арачиново со градоначалничката Милитие Халими разговарале за инфраструктураните проекти што се реализираат во општината со поддршка од централната власт и за општинските проекти.
Сугарески ја информирал Халими дека со заемот од Европската инвестициска банка преку Министерството за транспорт и врски за општина Арачиново има на располагање околу 100 илјади евра, кои може да се искористат за изградба на канализации и водоводи.
Не само општина Арачиново, туку и сите други општини кои имаат на располагање средства треба да да достават ревидирани проекти за да може да ги искористат парите, порача министерот за транспорт.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден