Снег во Словенија, температурата минус четири степени

На врвот Кредарица, недалеку од Триглав, каде моменталната температура е три Целзиусови степени, веќе наврнаа 10 сантиметри снег.

Снег паѓа и на Канина каде во седум часот утрото паднаа три сантиметри снег.

Првите снегулки веќе се измешаа со капки дожд на Крвавац, Вршич и Уршља Гора.

Снежните врнежи во Кредарица се придружени со силен северен ветер со налети до 70 километри на час, кој предизвикува снежни виулици, јавува порталот 24ur.

Денешните врнежи од снег на таа планина ја прекинаа низата од 103 дена без снежна покривка.

Инаку на 25 јуни 2018 година обилни снежни врнежи на почетокот на лето се забележани исто така на врвот Кредарица.

Според прогнозите на словенечката агенција за животна средина (Арсо), обилните врнежи од дожд кои од четвртокот предизвикаа проблеми речиси во целата земја, ќе се задржат во западна, централна и јужна Словенија.