Снег во Македонија - еве каде падна најмногу
Највисока снежна покривка од 15 сантиметри, изутринава во осум часот е измерена во Маврово, девет сантиметри снег има во Лазарополе, седум во Дебар, четири во Тетово, три во Пожаране, а еден сантиметар во Берово, Крушево и Виница.
Според Управата за хидрометеоролошки работи (УХМР), најстудено изутринава во осум часот е во Крива Паланка, Маврово и Ѓуриште, каде се измерени минус четири степени, три степени под нулата е во Пожаране и Лазарополе, минус два во Куманово, Скопје Петровец, Виница, Берово и Дебар, а минус еден во Тополчани, Крушево, Скопје, Тетово, Прилеп,....
Како што информира УХМР, денеска претпладне ќе има услови за појава на слаб снег во западните и северните делови, а преку денот ќе биде променливо облачно со слаб јужен ветер. Температурата ќе биде во интервал од 3 до 9 степени. Во Скопје променливо облачно со слаб претежно североисточен ветер и со температура до четири степени.
Значителна промена на времето УХМР најавува од утре кога поради спуштање на поларна воздушна маса од север ќе има врнежи од снег, најпрво во северните и западните, а потоа и во останатите делови. Насекаде ќе се формира снежна покривка, на планините и до 50 сантиметри. До сабота ќе дува засилен, повремено силен северен ветер, поради што на места ќе има и снежни наноси. Од петок температурите значително ќе опаднат. За време на викендот облачноста ќе се намали и ќе биде многу студено. Во Беровско температурата ќе се спушти и до минус 20 степени.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка