Свет
18. December 2015 - 8:48

Смогот повторно му се заканува на Пекинг

Во Пекинг денеска втор пат овој месец е прогласен црвен степен на предупредување поради загадувањето.

Се очекува дека сивата магла ќе се спушти на градот во кој живеат околу 22,5 милиони луѓе, со штетни честички ПМ во воздухот со големина помала од 2,5 микрометри (штетни честички кои продрираат длабоко во белите дробови) и тоа над 500 микрограма на кубен метар, се наведува на официјалниот сајт на властите во Пекинг. 

Тоа е повеќе од 20 пати од нивото кое Светската здравствена организација го смета за безбедно.

Половина од возилата Во градот нема да можат да излезат на улиците, а забранета е и употреба на скара и други извори на чад отворено, а ограничено е и фабричкото производство. Голем број градилишта и училишта се затворени.

На жителите на Пекинг им се советува да избегнуваат активности на отворено.