Смартфон уред за дијагностицирање инфективни болести
Нов уред со големина на кредитна картичка еден ден може да го направи дијагностицирањето, третирањето и спречувањето на епидемии на инфективни болести едноставно и евтино.
Подвижната „лабораторија“ била дизајнирана од инженери од универзитетот на Синсинати и се вклучува во смартфонот преку USB портот. Уредот е доволно чувствителен да детектира активни инфекции, а истражувачите тврдат дека истиот лесно може да се прилагоди за различни биомаркери за идентификување на болести како ХИМ, па дури и коронавирусот, како и за мерење на нивото на хормони поврзани со стрес, анксиозност и депресија.
Корисникот е потребно само да стави примерок крв или плунка на специјално дизајнираниот пластичен лабораториски чип, кој се вметнува во отворот на самиот уред.
Истражувачите сметаат дека, поради тоа што речиси секој има смартфон (повеќе од 3 милијарди луѓе) ваквиот уред за брза дијагностика би можел да се користи во секој дом.
Моментално, потребни се часови, па дури и денови за дијагностицирање во лабораторија, дури и кога луѓето веќе покажуваат симптоми на разни болести кои можат лесно да е шират.
Смартфонот се користи за напојување на уредот, читање и складирање на податоците, а информациите се добиваат преку процесирање на 2 канали – еден каде примероците се мешаат со антитела од болести за детекција, и друг кој користи луминисцентен материјал за да им овозможи на сензорите на уредот да ги прочитаат резултатите.
Податоците потоа се интерпретираат со помош на специјално дизајнирана апликација и можат да бидат испратени директно до медицинска установа за понатамошна анализа.
Ново на Сител
-
Маск поддржа обвинувања дека Зеленски сака „моќ и пари“ наместо мир
-
Приведен 58-годишен маж од с.Чергане, бил баран со потерница
-
Претрес во затворот „Идризово“, полицијата пронашла дрога
-
Уапсен 27-годишник од Радовиш, пронајдена е марихуана и дигитална вага
-
СДСМ: Граѓаните нема да почувствуваат никаков ефект од задоцнетите мерки на Владата
-
Прегазен 17-годишен пешак на булеварот „Гоце Делчев“ во Скопје
-
Стабилно и студено, со температури и под -10 степени
-
МЗ: Извршена трансплантација на коскен дефект од шест сантиметри на бутна коска