Словенија прогласи епидемија поради коронавирусот
Поради се поголемиот број заразени со коронавирус Словенија проглaсува епидемија, јави дописникот на МИА од Љубљана.
Ова на специјална прес конференција го објави премиерот Марјан Шарец, според кого ова е неопходна мерка имајќи во предвид што се случува во Словенија, но и соседните земји. И официјално до 9 часот утринава во земјата има 82 потврдени случаеви на коронавирус, што е за 26 повеќе од синоќа.
Здравствените власти во Словенија предвидуваат дека наредните денови и недели ќе има зголемување на бројот на заразени лица.
Објавено е дека ќе се активираат сите служби за цивилна заштита.
Дополнително, словенечката полиција почна да ги враќа и товарните возила кои доаѓаат од Италија, бидејќи соседна Хрватска не дозволува влез на овие камиони на нејзина територија, па затоа се создаде метеж на словенечка територија.
– Ќе помине извесно време за повторно да го вратиме животот како досега. Да ги оставиме да работат они кои знаат како да се справат со вирусот. Граѓаните да ги слушаат препораките на стручните лица, а не на некои интернет сајтови. Не смееме на никој начин да ги дискредитираме оние кои се заразени со коронавирусот, изјави Шарец.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка