Словенија го елиминира светскиот првак Полска

Одбојкарската селекција на Словенија успеа во четвртфиналето на Европското првенство да направи изненадување и да ја елиминира селекцијата на светскиот шампион Полска. Во четвртфиналето Словенија славеше победа со 3:2 во сетови. Инаку, во текот на летото Словенија победи во Европската лига откако во финалето ја победи Македонија.

На другите дуели ко-домаќините на европскиот шампионат Бугарија и Италија постигнаа победи. Бугарија ја победи Германија со 3:0, а Италија беше поуспешна од Русија со истиот резултат.

Актуелниот освојувач на Светската лига Франција со 3:1 ја совлада Србија.

Во полуфиналето кое ќе се игра во Софија во сабота ќе играат: Бугарија - Франција и Италија - Словенија.