Словенечкиот парламент го одобри признавањето на Палестина
Словенечкиот парламент синоќа го одобри признавањето на независна палестинска држава, отфрлајќи го барањето на главната опозициска партија за референдум за ова прашање, јави Хина.
Претставувајќи ја одлуката на Љубљана како „порака за мир“, премиерот Роберт Голоб кажа дека тоа е важен чекор и предуслов за преговори за решение со две држави.
Владејачката коалиција има мнозинство во парламентот од 90 места.
Документот за признавање на палестинската држава го одобрија 52 пратеници, со еден воздржан и без глас против, а претставниците на опозицијата ја напуштија седницата.
Словенечката демократска партија на поранешниот премиер Јанез Јанша во понеделникот поднесе барање за одржување на консултативен референдум за признавање на Палестина.
Како што пишуваат словенечките медиуми, Јанша кажа дека владината одлука за признавање на Палестина веќе и нанела долгорочна штета на Словенија „бидејќи ја поддржува терористичката организација Хамас“.
Израелското Министерство за надворешни работи минатата недела ја осуди одлуката на Словенија да ја признае независната палестинска држава.
Министерот за надворешни работи Израел Кац рече дека одлуката, за која ќе гласа парламентот, е награда за Хамас за убиствата и силувањата.
Во соопштението Кац кажа дека овој потег го зајакнува и Иран, непријателот на Израел и му штети на „блиското пријателство на словенскиот и израелскиот народ“.
Ирска, Норвешка и Шпанија официјално ја признаа независна Палестина минатата недела. Шведска го направи тој потег пред десет години.
Сите овие потези го зајакнаа палестинското прашање во светот, но го налутија Израел. Повеќе од 140 од 193 земји-членки на Обединетите нации ја признаваат Палестина како суверена држава.
Западноевропските земји и САД долго време беа исклучок.
Ново на Сител
-
Мицкоски: Писменоста и образованието не се луксуз, тие се основни права и најможно инструменти за трансформација на општеството
-
Меџити: Денот на албанската азбука годинава се одбележува во време на жестока дебата за употреба на јазикот
-
Мицкоски: Ден на албанската азбука – симбол на образованието, културното богатство и напредокот на еден народ
-
Бела куќа: Русија е целосно одговорна за ескалацијата во Украина
-
Земјотрес почувствуван во Македонија
-
Германија го објави кризниот план во случај на војна со Русија
-
Пентагон: САД беа информирани од Москва кратко време пред лансирањето на балистичката ракета против Украина
-
ЦУК: Изминатото деноноќие четири пожари на отворено, сите се изгаснати