Македонија
17. January 2020 - 12:45

Следната недела нови преговори за Законот за ЈО

ВМРО-ДПМНЕ потврди дека во текот на вчерашниот ден до нив бил доставен нов предлог закон за ЈО. Пратеникот Антонио Милошоски вели дека правниот тим на партијата деновиве ќе го разгледа овој текст по што ќе биде закажана нова средба на работните групи помеѓу власта и опозицијата. 

"Од она што можев да го забележам и со овој закон власта повторно предложува тимот на СЈО да биде вдомен во тимот на Рускоска. За нас тоа е неприфатливо бидејќи сметаме дека овие обвинители треба да добијат дисциплински постапки за енормните додатоци на плата, а не да бидат наградени. Сепак има простор за преговори и време овој закон да биде усогласен до распуштање на Собранието " вели пратеникот Милошоски. 

Од СДСМ изразија надеж дека ова законско решение ќе биде прифатливо за опозициската партија   бидејќи е неопходен консензус.

 

Деспина Тодоровска