СКСЗМ: Можности за развој на бизнисот со европските програми и иницијативи
Стопанската комора на северо-западна Македонија (СКСЗМ) и Националната агенција за европски образовни програми и мобилност денеска организираа работилница на која ги претставија програмите „Еразмус плус 2014-2020“ и европските иницијативи „Еуропас“ , „Евридика“, „еТвининг“, „Еурогајденс“, „Еуродеск“ и „ЕКВЕТ“, со можностите кои се нудат за развој на бизнис заедницата.
Според соопштението од Комората, претставниците на Агенцијата истакнале дека создавањето нови можности за образование и стекнување знаења и вештини за бизнисите ќе остане нивен приоритет и оти програмата е одлична можност за придонес кон развој на бизнис заедницата.
- Овие програми ќе овозможат зголемување на нивото на образование, искуството и вештините меѓу компаниите, што во исто време ќе резултира со поголема конкуренција во управувањето со човечките ресурси. Ова значи поголем потенцијал и добра основа за развој на земјата, која е нашата главна цел, се вели во соопштението.
Со имплементација на програмата „Еразмус плус“ во Република Македонија се обезбедува голема поддршка за образованието, обуката, младите и спортот. „Еразмус плус“, посочуваат од Комората, придонесува за надградба на институционалните капацитети, како и личен и професионален развој на сите чинители во полето на бизнисот.
Ново на Сител
-
Сиљановска-Давкова: Војната во Украина не е украински, туку европски и светски проблем
-
Талибанците ќе испратат делегација на претстојниот состанок во Доха за Авганистан
-
66-годишен велосипедист тешко повреден во сообраќајка во Илинден
-
Курбан Бајрам одбележуваат припадниците на муслиманската вероисповед
-
Во Владата истакнат премиерски портрет на Џафери
-
Објавени правилата на дебатата меѓу Бајден и Трамп, која ќе се одржи на 27 јуни
-
Фидан: Мировниот предлог на Путин е трошка надеж
-
Голем шумски пожар северно од Лос Анџелес, издадена наредба за евакуација