Скопје трет најзагаден град во светот

Скопје денеска е на третата позиција на ранг листата на најзагадени градови во светот.

И денес Скопје и уште неколку македонски градови се меѓу најзагадените во светски рамки. Главниот град утринава беше третиот најзагаден град во светот и прв во Европа.

Просечната концентрација на опасните ПМ10 честички на кубен метар во 8 часот наутро во Скопје беше 166, со што нашиот главен град се најде на третото место со најзагадени градови во светот, веднаш зад пакистански Лахор (316) и индиски Делхи (330).

Моментално загаденоста е малку опадната, но "AQI", односно индексот на квалитетот на воздухот со кој се сумираат сите измерени вредности на мерните станици и натаму е порзителен - изнесува 157 и го сместува Скопје на 6-то место на листата со најзагадени градови во светот.

Исто така, исклучително високи концентрации на ПМ10 честичките утринава се забележани и во Тетово (181), Куманово (168) и Битола (114).