Синовец во Мега

Кошаркарскиот клуб Мега Бемакс објави дека договор со клубот потпишал бекот Стефан Синовец. Искусниот бек веќе се приклучил на тренинзите на тимот.

 

Синовец во Мега Бемакс пристигна од редовите на МЗТ Скопје со кого ја освои шампионската титула во македонскиот шампионат. Минатата сезона во дресот на МЗТ Скопје, во регионалната АБА-лига, Синовец имаше просечни 8,6 поени и 3,5 скока од натпревар.

 

Синовец во кариерата има освоено тројна круна со белградски Партизан во 2010 година, три шампионски титули со МЗТ (2014, 2015, 2017) и еден Куп на Македонија (2014), а со Крка во 2016 стигна до титулата во Купот на Словенија.