Синот на Шумахер ќе вози во Формула 2 во 2019 година
Синот на легендата и седумкратниот шампион во Формула 1, Михаел Шумахер, Мик Шумахер следната сезона ќе вози во Формула 2, продолжувајќи го партнерството со тимот „Према“.
Деветнаесетгодишниот Мик оствари осум победи во сезоната 2018 – двојно повеќе од најблискиот конкурент во автомобилските серии – Дан Тиктам.
Мик беше меѓу гледачите за време на последната трка во Ф2 во Абу Даби за време на викендот, а од четврток до сабота ќе го тестира автомобилот на „Према“ на „Јас Марина“.
– Мислам дека ова е логичен чекор на мојот пат, бидејќи сакам да продолжам да го подобрувам моето техничко искуство и моите пилотски вештини, рече Мик.
Токму од „Према“ во Формула 1 влегоа двајца од најголемите таленти во шампионатот во моментов – Пјер Гасли, кој догодина ќе вози за Ред Бул, и Шарл Леклер, кој следната сезона ќе биде колега на Себастијан Фетел во Ферари. Овие двајца пилоти беа шампиони со „Према“ во ГП2 и Формула 2.
Оваа година, сепак тимот заврши само на петтото место кај конструкторите, а најуспешниот пилот – Ник де Врис ја заврши сезоната четврти. Неговиот тимски колега, Шон Гелел, кој беше тест-возач за Торо Росо, беше само 15-ти во вкупниот пласман.
Гелел веќе ја изрази својата желба да продолжи со соработката со тимот следната година и веројатно тоа ќе стане реалност, додека Де Врис ќе се пресели во нов тим од Формула 2.
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o