Свет
20. January 2021 - 21:14

Синот на Бајден присуствуваше на инаугурацијата и покрај истрагата против него

Хантер Бајден, синот на новиот американски претседател Џо Бајден, присуствуваше денеска на церемонијата за инаугурација, и покрај сојузната истрага која се води против него поради сомнителни трансакции во странство.

Хантер пристигна на инаугурацијата во придружба на својата сопруга и малолетен син.

Тој призна дека против него е покрената истрага, но објасни дека сите свои бизниси ги водел легално.

– Оваа работа ја сфаќам многу сериозно, но убеден сум дека професионалното и објективно разгледување на ова прашање ќе покаже дека своите бизниси сум ги извршувал легално и на соодветен начин, истакна Хантер неодамна.

Бизнисите на Хантер во странство и евентуалната вмешаност на неговиот татко во истите, беа предмет на претседателската кампања во 2020 година, откако е откриено дека од неговиот лаптоп биле испраќани мејлови на една кинеска компанија.