Сингер: Беше потребно време да се убеди Синер да ја прифати суспензијата од ВАДА

Џејми Сингер, адвокатот на светскиот тенисер број еден, Италијанецот Јаник Синер, го коментираше случајот со дисквалификацијата на тенисерот.

- Сето тоа се случи многу неправедно. Од самиот почеток, судењето за Синер следеше „класично“ сценарио. Немаше посебен третман, само околностите под кои беше позитивен на тестот беа многу специфични. Јаник чувствува дека бил третиран доста грубо, но признава дека секој има право на свое мислење. Тенисерите не можат да ги знаат сите детали од оваа приказна, па едноставно ги искажуваат своите размислувања. Но, можеби вреди да се испитаат фактите повнимателно. Беше потребно време за да се убеди Синер дека е вистинската одлука да се прифати понудата на ВАДА наместо да се оди во CAS“, изјави Сингер за „Sky Sport Italia“.

Светската антидопинг агенција (ВАДА) го суспендираше светскиот тенисер број еден од 9 февруари до 4 мај оваа година поради два позитивни допинг теста за метаболитот клостебол, кои беа направени во март 2024 година.