Симов: Титулата му ја посветуваме на Љубисав Иванов-Ѕинго

ФК Силекс по 24 години повторно освои трофеј во купот а тренерот на екипата Горан Симов емотивно титулата му ја посвети на творецот на овој клуб и долгогодишен претседател Љубисав Иванов Ѕинго кој почина минатата година:

– Ова е божја волја. Иако ништо не е случајно затоа што овие момци се херои. Минатата сезона стигнаа до Лигата на шампионите, а сега по толку години повторно носат трофеј за Кратово. На сите само ни е жал што Љубисав Иванов Ѕинго не е тука со нас да се израдува на овој пехар. Силекс е мој втор дом. Освоив пехар со него како играч, а сега остварувам уште еден сон. Но, трофејот во купот веднаш го забораваме, затоа што ни следи меч за опстанок во Првата лига. Силекс не смее да си дозволи да испадне од прволигашкото друштво. Имаме тешка сезона зад нас во која одиме од очајот до сјајот – изјави Симов.