Симболичен штрајк на грчките земјоделци

Грчките земјоделци денеска ги продолжуваат нивните протести со симболични блокади на патиштата, кои не се одразуваат многу на сообраќајот.

Земјоделските здруженија се подготвуваат за масовен протест во Солун на 3 февруари за време на големиот земјоделски саем Агротика.

Фармерите бараат реална проценка на нивните приходи при оданочувањето, да бидат ослободени од обврската да ги осигураат имотите и намалување на старосната граница за пензионирање на 60 години за мажи и 55 за жени.

Дополнителни нивни барања се однесуваат на загарантираните цени на земјоделските производи, бесплатна здравствена заштита, повисоки пензии и создавање на државен фонд кој ќе ги надоместува нивните штети во целосен износ.