Силно невреме во Словенија, поплавени патишта, станови, училишта
Силно невреме синоќа ја зафати Словенија и поплави повеќе од 500 згради во Љубљана. Дежурните служби примиле повеќе од 2.700 повици од граѓани помеѓу 20 часот и полноќ, но според досегашните податоци нема повредени, јавуваат словенечките медиуми.
Поплавени се патишта, станови, подземни гаражи, училишта, градинки, индустриски погони, магацини, а бројни автомобили се уништени откако многу дожд наврна во краток временски период.
Во Љубљана паднаа 88 литри на метар квадратен, што, според проценките, е нешто што се случува еднаш во 250 години.
Според метеорологот Рок Носан, на некои места за кратко време паднало повеќе дожд отколку за вкупно два месеца.
Од дождот штета претрпе и театарот во Љубљана.
Јернеј Пристов, портпарол на театарот, рече дека за време на претставата, водата почнала да паѓа од покривот.
„Покривот беше дотраен, водата паѓаше на сцената и зад сцената во потоци. Претставата беше прекината, а луѓето евакуирани, рече Пристов.
Тој додаде дека „вакво нешто никогаш не се случило во историјата на театарот“.
Невремето предизвика големи проблеми и во другите делови на Словенија.
Метеоролозите најавуваат помали врнежи за денеска, а попладне се очекува разведрување.
Ново на Сител
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра
-
Зголемен бројот на работници во индустријата