Силно невреме го погоди Неготино

По вчерашното невреме во Битола денес силно невреме проследено со обилен дожд, грмежи, ветер и град попладнево го погоди Неготино.  Дел од улиците во градот се поплавени.

Командирот на Територијалната противпожарна единица, Иле Илиев потврди за МИА дека на одредени места има потреба од извлекување вода со пумпи и дека ќе се интервенира на терен.

На 6 јули 1995 година градот беше зафатен од голема поплава. Денешното невреме се случува всушност, ден пред 25-годишнината од последната голема поплава во Неготино. 

Неготинска река се излеа во центарот на градот, а градот остана без струја.