Свет
14. July 2019 - 12:49

Силен земјотрес во Индонезија

Земјотрес со интензитет од 7,3 степени според Рихтерова скала ги погоди денеска Молучките Острови во источниот дел на Индонезија, соопшти Геолошкиот завод на САД.

Засега нема информации за евентуални жртви и причинета материјална штета, ниту, пак, е издадено предупредување за цунами.

Епицентарот на потресот се наоѓал на длабочина од десет километри под површина на земјата, 168 километри јужно и југоисточно од градот Тернатеа.