Силен земјотрес од 6.7 степени сруши згради во Измир

Силниот земјотрес кој денеска ја стресе Грција ја потресе и Турција, особено го почувствуваа жителите на градот Измир каде има и срушено згради.

Епицентарот бил во близина на турското крајбрежје, но земјотресот беше почувствуван речиси во сите делови на Грција.

Според Геодинамикиот институт на грчката Национална опсерваторија епицентарот на земјотресот бил на 19 километри северозападно од грчкиот остров Самос.

Земјотресот стресе и дел од Турција на Егејското море, пишуваат грчките медиуми.

Потресот се случил 17 километри во морето западно од провинцијата Измир во Турција.

Засега нема информации за жртви, но Би-Би-Си пишува дека во турскиот град Измир се оштетени згради.